Жартас

Қонады бір күн жас бұлт,

Жартастың төсін құшақтап.

Жөнелді ертең, қалды ұмыт,

Көк жүзіне ойнақтап.

Әжімды  жүзі тершіген

Кәрі жартас таң қалыпты:

Бәрі осы- ау, - деп, - құз деген,

Томсарып тұрып жылапты.

Махаббат, достық қылуға

Махаббат,  достық қылуға

Кім де болса тең емес.

Қазір дайын тұруға

Бес күндік ғашық жөн емес.

Сүйіспек көңілім ойлайды

Жанның бәрі – қатыбас.

Сүйісу тозбай тұрмайды,

Еңбекке аз күн татымас.

Ғашықтық іздеп тантыма

Ғашықтық іздеп тантыма,

Аз күн әуре несі іс?

Өзіңнің қара артыңа,

Өткен өмір бейне түс.

Өлгенше болар бар ма дос?

Қуаныш, қайғы – бәрі бос.

Кең жайлау - жалғыз бесік жас балаға

Кең жайлау – жалғыз бесік жас балаға,

Алла асыраған пендесі аш бола ма?

Ержеткен соң сыймайсың кең дүниеге,

Тыныштық пен зар боларсың баспанаға.

Қараңғы түнде тау қалғып

Қараңғы түнде тау қалғып

Ұйқыға кетер балбырап

Даланы жым-жырт, дел-сал ғып

Түн басады салбырап

Шаң шығармас жол-дағы

Сілкіне алмас жапырақ

Тыншығарсың сен-дағы

Сыбыр қылсаң азырақ

Бақа мен өгіз

Қарасаң, тым-ақ көп
Көре алмас іші тар.
Несі артық, бізден деп,
Салыспақ жұрт та бар.

Су ішкелі бір өгіз
Барып еді бұлаққа.
Бақалар қорқып, тарбақтап
Қашып шықты әр жаққа.

Сұрғылт тұман дым бүркіп

Сұрғылт  тұман дым бүркіп,

Барқыт бешпент сулайды.

Жеңіменен  көз сүртіп,

Сұрланып жігіт жылайды.

Әйелмсің, жылама,

Тәуекел қыл құдаға!

Өлең айт,

Үйге қайт!