Жүрегі - айна, көңіл ояу.

***

Замана өзгеруімен қағидалар да өзгермек.

***

Замана - шаруа мінез, күнде өзгереді,

Оларға кез кезімен нәби келді.

Дүниеде бар жаман да көпте, бірақ қызық та, ермек те  көпте.

Бастапқыға кім шыдайды, соңғыға кім азбайды.

***

Дүниеде жалғыз қалған адам  - адамның өлгені

***

Жалыны қайтар дененің,

Үнемі тұрмас осы шақ.

Талайғы кәрі дүниенің

Бір кетігін ұстап бақ.

Ғұмыр - ақиқат.

***

Дәмі қайтпас, бұзылмас тәтті бар ма?

***

Достық, қастық, бар қызық - жүрек ісі.

Ар, ұяттың бір ақыл - күзетшісі.

***

Дүние бір қалыпты тұрмайды, адамның қуаты, өмірі

бір қалыпта тұрмайды.

***

Дүние үлкен көл, заман - соққан жел; алдыңғы

толқын - ағалар; кейінгі толқын - інілер, кезекпенен

өлінер, баяғыдай көрінер.

***

Дүниенің көрінген hам көрінбеген сырын түгелдеп,

 ең болмаса денелеп білмесе, (онда) адамдықтың орны болмайды.

Адам баласы өзі қай жолда, қай майданда жүрсе, сол майдандағы кісімен сырлас болады.

***

Адамзат бүгін адам, ертең топырақ,

Бүгінгі өмір жарқылдап алдар бірақ.

Ертең өзің қайдасың, білемісің,

Өлмек үшін туғансың, ойла, шырақ.

***

Аспаса ақыл қайраттан,

Тереңге бармас, үстірттер.

Өзі өзгеше боламын демектің түбі - мақтан. Әрбір мақтан біреуден асамын деген күншілдікті бітіреді де күншілдік күншілдікті қозғайды.

***

Қулық саймақ, көз сүзіп, тіленіп, адам саумақ - өнерсіз иттің ісі.

***

Өзін өзі  өзгешілікпен артық көрсетпек адамдықтың нұрын, гүлін бұзады.

***

Уайымсыз салғырттық, ойыншы, күлкішілдік, қайғыға салыну бұлар - ой кеселі.

Адам баласын заман өсіреді, кімде-кім жаман болса, виноват.

***

Қайратсыз ашу - тұл.

***

Күлкіге салынған кісі не шаруадан, не ақылдан, не бір

ұят келерлік істен құр, ғафил көп өткізіп отырса керек.

***

Мастық бойдан ағаттық көп шығарып, ақылдың көзін байлайды.

***

Өз дәулетінен артық киінбек не киімі артық болмаса да, көңіліне қуат тұтып, 

тым айналдырмақ - кербездің ісі

Үлкендік-адам ішінен өзін-өзі бағалы есеп қылмақ.

***
Ұят деген адамның өз бойындағы адамшылығы, иттігіңді ішіңнен өз мойыныңа салып, сөгіп қылған қысымның аты.

Адамның қызықты нәрсесін іздеген кезі өмірінің ең қызықты уақыты болып ойында қалады.

***
Басына һәм өзіне өзгешелік бермек-адам ұлын бір бұзатын іс.
***
Біреуді ызаландырмақ-шариғатқа, шаруаға залал, ақылға теріс.

Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды-дағы, сондайда білгені, көргені көп адам білімді болады.

***
Адамға ғылым-білімді көбейтуге екі қару керек: бірі-пікірлеспек, екіншісі-берік сақтау.

Уайым-ер қорғаны; есі барлық.

***
Уайымсыз салғырттық-дәулеттің, ақылдың, ардың дұшпаны.
***
Үш-ақ нәрсе-адамның қасиеті:
Ыстық қайрат, нұрлы ақыл, жылы жүрек.

Тез үйреніп, тез жойма,

Жас уақытта көңіл-гүл.
***
Тұрлаусыздың қолынан не келеді,
Ынтасыз қайтіп өнер үйренеді?

Сөз танымасқа сөз айтқанша, өзіңді танитын шошқа бақ.

***
Сөзіне қарай кісі ал,
Кісіге қарап сөз алма.

Пайданы көрсең бас ұрып,
Мақтанды іздеп қайғы алма.

***
Мініңді ұрлап жасырып,
Майданға түспес бәйге алма.

Өзі алданып, өзгеден соққы жеген
Және өзі біреуді алдай алмас.
***
Пайда ойлама, ар ойла,
Талап қыл артық білуге.

Өзі өнерсіз өмірден тез суынар,

Ойлаған жолаушыдай бос қалғаның.

Өзің үшін үйренсең,
Жамандықтан жиренсең,
Ашыларсың жылма - жыл.
Біреу үшін үйренсең,
Біреу білмей, сен білсең,
білгеніңнің бәрі - тұл.

Орыстың ғылымы - өнері дүниенің кілті, оны білгенге
дүние арзанға түседі