Биыл Абай Құнанбайұлының туғанына 175 жыл толады. Халқымыздың ұлы перзентінің мерейтойын лайықты атап өту үшін арнайы құрылған комиссия дайындық жұмыстарын бастап кетті.
Абай Құнанбайұлы ғұлама, ойшыл, ақын, ағартушы, ұлттың жаңа әдебиетінің негізін қалаушы, аудармашы, композитор ретінде ел тарихында өшпес із қалдырғаны сөзсіз. Оның өлеңдері мен қара сөздерінде ұлт болмысы, бітімі, тұрмысы, тіршілігі, дүниетанымы, мінезі, жаны, діні, ділі, тілі, рухы көрініс тауып, кейін Абай әлемі деген бірегей құбылыс ретінде бағаланды.
2020 жылдың 29 қаңтар күні Абай Құнанбаевтың 175 жыл толуына орай С.Сейфуллин атындағы қалалық орталық кітапханада "Әлемге танылған - Ұлы Абай" атты кітап көрме ұйымдастырылды.
Осы орайда Абай мұрасының тигізер пайдасы зор деп есептеймін. Ұлы ақынның шығармалары бүгін де өзектілігін жоғалтқан жоқ. Өнегелі өмірімен таныстыру, ақынның даналығын, рухани асыл-мұраларын насихаттап, өлеңдерін, әндерін мәнерлеп оқыту. Көркем сөйлеуге шығармашылықпен жұмыс істеуге көмектесу Абайдың ой-тұжырымдары баршамызға қашанда рухани азық бола алады.
Комментариев нет:
Отправить комментарий