Абай Құнанбаев. Қара сөздер

Қазақ поэзиясының шыңы – Абай Құнанбайұлының мұралары халқымыз үшін өлшеусіз биік. Оның ішінде  ақынның моральдық – философиялық, қоғамдық – саяси әрі сыншылдық – сатиралық көзқарасының тұлғалы жиынтығы болып есептелетін «Қара сөздерінің» орны орасан зор. «Қара сөздер» - ақынның өз өмірін күн нұрындай қақ жарып өткен дүниетанымының, оқуы мен білімінің , амал – әрекетінің , тіршілік – арпалысының ойлы қортындысы. Ондағы ащы өмір шындығы, қаламгердің даналығы, бүкіл адамзаттық мұраттарға ұмытылысы бұл шығармаларды әлемдік ұлы туындылар қатарына апарып қосты.

Сондықтан да бұл кітап кең ауқымдағы оқырмандарға – мектеп және колледж мұғалімдеріне, жоғары оқу орындарының оқытушылары мен студенттеріне, ғалымдарға, саясаткерлер мен мемлекет қайраткерлеріне және ұлы ойшыл ақын Абай мұраларынан терең нәр алғысы келетін баршамызға арналады.