«Абай - заман тынысы, халық үні. Бүгін ол үн біздің де үнге қосылып, жаңғырып, жаңа өріс алып тұр»,- деп Мұхтар Әуезов жазғандай, Абай қазақ халқының қайталанбас қазынасы. Поэзияда, музыкада, қоғамдық ой-пікір саласында өлмес шығармалар берген. Абай әр кезде жаңа ұрпаққа таңғажайып тұлға болып қала береді.Ұлы ақын Абай Құнанбаевтың туғанына 170 жылдығына орай С.Сейфуллин атындағы
кітапханада”Кітап – рухани азық, кітапхана – рухани қазық” атты Абай оқулары болып өтті. Шараның негізгі мақсаты - қазақ көркем әдебиеті шығармаларына жастардың қызығушылығын арттыру, кітаптың адам баласына пайдалылығы мен құндылығын, кітаптан алған білім арқылы әлемді тануға болатынын ұғындыру халқымыздың дана ақыны, ғұлама ойшылы, сазгер Абай Құнанбайұлының өлеңдері мен әндерінің таралуын насихаттау, бүгінгі ұрпақтарының Абай мұрасына қызығушылығын арттыру, оқып – білуге, тани түсуге ынталандыру.Байқауға барлық мектептерден 10 – 11 сынып оқушылары қатысып, өз өнерлерін ортаға салды. Байқаудың бірінші кезеңінде Абайдың өлеңдерін, поэмаларын және қарасөздерін жатқа мәнерлеп оқыды. Ал, байқаудың екінші кезеңінде «Абай жолы» романының бөлімдерінен үзінді оқудан жарысқа түсті. Байқаудың соңғы шешуші кезеңінде үміткерлер Абайдың әндерін нақышына келтіре орындаудан шеберліктерін танытты. Қазылар алқасының шешімімен байқау қорытындысы бойынша І орынды № 1 ЖББМ – нің 10- сынып оқушысы Мүкім Мадина алғыс хатпен, сыйлықпен мараппаталып, қатысқан оқушылардың барлығы да алғыс хаттармен марапатталды.Шара соңында « Абай дара, Абай дана қазақта» атты ұйымдастырылған кітап көрмемен таныстырылды.
Комментариев нет:
Отправить комментарий