«Абай – дара тұлға!» атты танымдық кеш

2020 жылдың 14-ші ақпан күні С.Сейфуллин атындағы қалалық орталық кітапханада Абай Құнанбайұлының 175 жылдығына орай «Абай – дара тұлға!» атты танымдық кеш ұйымдастырылды. Кештің мақсаты Ұлы ақынның өнегелі өмірімен таныстыру, ақынның даналығын, рухани асыл мұраларын насихаттау болды. Бұл кеште Тау – кен колледжінің 3- ші курс студенттері белсене қатысты.

Әлем таныған - Ұлы Абай

Биыл Абай Құнанбайұлының туғанына 175 жыл толады. Халқы­мыздың ұлы перзентінің мерейтойын лайықты атап өту үшін ар­найы құрылған комиссия дайын­­дық жұмыстарын бастап кетті.

Абай Құнанбайұлы ғұлама, ойшыл, ақын, ағартушы, ұлттың жаңа әдебиетінің негізін қалаушы, аудармашы, композитор ретінде ел тарихында өшпес із қалдырғаны сөзсіз. Оның өлеңдері мен қара сөздерінде ұлт болмысы, бітімі, тұрмысы, тіршілігі, дүниетанымы, мінезі, жаны, діні, ділі, тілі, рухы көрініс тауып, кейін Абай әлемі деген бірегей құбылыс ретінде баға­ланды.

Алматыда Абай Құнанбаевтың ескерткіші

Алматыдағы Медеу ауданында Абай атындағы дарынды балаларға арналған республикалық мектеп-интернатта Абай Құнанбаевтың ескерткіші орнатылды. Ескерткіш Алматылық кәсіпкер Банщиков Вячеславтың қаражатына салынды. Ақынның 170 жылдығына арнайы жасатылған ескерткіш..Ескерткіштің биіктігі – 4,5 метр.

Абай ескерткіші Орал жерінде

27 тамыз 2002 ж. Орал қаласының орталық көшесіне Абай Құнанбаевтың ескерткіші орнатылды. Класссикалық стильде дайындалып, граниттен жасалған. Авторы- мүсінші, ҚР Суретшілер Одағының мүшесі Нұрлан Далбай (Алматы қаласы) Батыс Қазақстан облысы, Орал қаласы, Абай алаңы.

Абай ескерткіші

 Ескерткіш – өнер монументі. Ескерткіш 1972 жылғы қыркүйекте қойылған.

Семей қаласы, Абай алаңы. Ескерткіштің авторы – мүсінші Д.Г. Элбакидзе, сәулетшісі Шингарев. Құрылыс жұмыстарының құрамында В.Гусалов, Б. Метелин бар бригада жүргізген.

Тараз жерінде Абай ескерткіші

Тараз төрінде Абай ескерткіші орын тепті.  Ұлы Абайдың туғанына 170 жыл толуына арнап жыр алыбы Жамбыл жеріне арнаған сый-тартуы.

Мүсінші – Гайсин Евгений Ирданович

Биіктігі – 6,6 м.

Абай Құнанбаев

Ескерткішті Мүсінші Xәкімжан Наурызбаев қоладан құйған. Сәулетші И. И. Белоцерковский қызыл граниттен қалаған тұғыр жобасы ақын тұлғасын мазмұн жағынан байыта түседі.

Ескерткіштің тұтас биіктігі 13,7 м.

Ескерткіштің ашылуы: 1960 ж.